Tesla ordua: 12. kapitulua

Egun on entzuleok!

Atzoko programan, gure elkarteak aurki antolatuko duen III. Balkandar Asteaz mintzatu gara. Aurtengo Balkandar Astea berezia izango da, eta ez soilik egun bat baino gehiagotan egingo dugulako, eta ezta hiri batean baino gehiagotan egingo ditugulako ekitaldiak, baizik eta Boris Malagurski zinemagile serbo-kanadiarra gure artean egongo delako. Malagurski, Donostia 2016 Kultur Hiriburua programaren laguntzarekin ekarriko dugu Euskal herrira, eta bi ekitalditan hartuko du parte: irailaren 25ean Egiako Kultur Etxean “Težina lanaca 2//The Weight of chains 2”filema aurkeztuko dugu egilearekin, eta irailaren 26an Donostian zehar (Txillidaren Haizearen Orrazia eskulturatik Basterretxearen Bakearen usoa eskulturaraino) “Oroimenaren Ibilbidea” egingo dugu.

Gure elkarteak jada Malagurskiren “Kateen Zama” euskaratu zuen, hemen youtuben ikusgarri: Kateen zama

Programaren bigarren zatian berriez aritu gara. Oraingoan, Bulgarian eta Moldavian izan diren hauteskundeak izan ditugu mintzagai, bi herrialdeak azkeneko urteetan istiluetan ibilitako herriak izan baitira. BI tokietan Alderdi Sozialistek babestutako hautagaiek irabazi dute lkeehn itzulian; Rumen Radevek Bulgarian eta Igor Dodonek Moldavian. Kiroleko arloan, besteak beste, Baskoniak Euroligan Izar Gorriari 63-70 irabazitako partida izan dugu mintzagai, Baskoniak Izar Gorriari Belgraden irabazten dion lehen aldia da. Bukatzeko, Kragujkejvac hiriko Čovek Bez Sluha taldea aurkeztu dugu, eta talde honen hiru abesti jarri ditugu.

0:00
0:00

Descargar este podcast

97 irratia babestu nahi duzu?

97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!

Deja una respuesta

Tu dirección de correo electrónico no será publicada. Los campos obligatorios están marcados con *