#bidegorritik: Gaztelugatxetik Zaldibarrera

#bidegorritik: Gaztelugatxetik  Zaldibarrera

Gaztelugatxe leku turistiko gisa saldu dute aspaldion instituzioek, eta film ezagunetan agertu izanak jende uholdea ekarri du Bizkaiko kostaldeko leku eder horretara. SOS Gaztelugatxe plataforma osatu dute Bakio, Bermeo eta Urdaibai inguruko herritarrek. Berriki, kotxeentzako aparkaleku handi baterako makroproiektua izan du eskuartean Bizkaiko Diputazioak, eta horri aurre egin dio Gaztelugatxeren aldeko herri mugimenduak. Bertako partaidea den Eider Gotxi Aurtenetxea bermeotarrarekin egon gara solasean Bidegorritik saioan.

Langileak gogoan,
erantzukizuna eta osasuna aldarrikatzen

Zaldibarrera jo dugu gero. Ostegunean zabortegi baten izandako lubizien ondorioz aktualitatea Bizkaia eta Gipuzkoa arteko mugan dago egunotan. Bi langile desagertuta, instituzioak benetako planik gabe, desagertutako langileen senitartekoak bakarrik eta haserre, herritarrak osasunagatik eta informazio faltagatik kezkatuta. Koktel izugarria. Bitartean Iñigo Urkullu lehendakariak, hauteskundeak deitu baina Zaldibarrera agertzeko asmorik ez du agertu. Gaizka Zabarte zaldibartarrarekin mintzatu gara gu.

Download this podcast

97 irratia babestu nahi duzu?

97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude