97 irratiak 10 urte bete ditu eta zurekin ospatu nahi dugu. Horretarako, abenduaren 2an, irratsaio berezia egingo dugu zuzenean, 11:00etatik 13:30ak arte. Saioaren helburuak irratia, eta irratia egiten dugunok, ezagutaraztea, irratikideak elkartzea eta ondo pasatzea dira.  Beraz, ongietorriak izango zarete Mallonako Galtzadan 1, beheko ezkerran dagoen estudioan.

Urteurreneko saio berezi honetan 97 irratiren irratsaio ezberdinek parte hartuko dute, baita irratsaioa sortu zutenetako batzuek eta zenbait irratikidek ere. Gainera, beste hedabide alternatibo batzuetako kideekin komunikazioaz hitz egingo dugu eta Edu Basterra musikari eta konpositorearen eta Juanjo Navas flamenko abeslariaren zuzeneko emanaldiaz gozatuko dugu gure estudioan.

Ez ahaztu, larunbat honetan 11etatik aurrera elkar ikusi eta entzungo dugu.