Aurten ere Bilbo Hiria Irratia eta Uriola.info atariarekin batera Bilboko Aste Nagusiaren taupadak uhinetan igorriko ditugu zuzenean Areatzako zubitik.
Egunero zuzenean igorriko dugu emankizuna, igandetik ostiralera bitartean 12:00etatik 14:00etara, Bilbo Hiriaren (FM 96.0) zein 97 irratiaren (FM 97.0) sintonietan eta Internet bidezko emisioan.
Iaz hil zen Bilbo Hiria Irratiko koordinatzaile, Arrosa sareko kolaboratzaile eta 97 Irratiaren lagun Mieltxo Monfort, eta Bilbo Hiriako lagunek esan duten bezala, saiatuko gara elkarrekin hura harro eta pozik egoteko moduko programak egiten.
Bertatik bazabiltza hurbildu zaitez gugana, entzule!
97 irratia babestu nahi duzu?
97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!
