Willis Drummond taldeko Jurgi Ekiza izan da gurean. “Hala ere” diskoa aurkeztu digu eta datorren larunbatean Bilboko kafe antzokian hasiko dute beraien bira elektriko berria. Hurrengo astean berriz, Miarritzeko Atabal aretoan arituko dira Lumi eta Orbel taldeekin batera. Solasean, patxadaz, musika entzun eta dantzan jarri gara Mugaldeko Tabernan.
Contenidos
Pablo Milanes gogoan
Gure taberna honetan Pablo Milanes kantari kubatarra ere agurtu nahi izan dugu. Asteon utzi gaitu, eta Kepa Junkerarekin grabatutako Txoria txori entzun dugu lehenbizi eta bere kantu ohiko bat ostean.
Pluralean dantzatu
Eta dantzan jarraitu dugu Arrasateko Assata taldearekin, musika beltza sortzen duten zuri atsegin hauekin. Saioa bukatzeko Berri Txarrak taldearen saltsa bertsioa entzun dugu. Izan ere, guk ere ez dakigu bueltatzen.

