Eremuz Kanpo: The Wicker Man

1973. Eskozia Ipar-Mendebaldeko Hebridak. Irla bat, Summerisle. Sagarrak, erbiak, komunitate ezin kohesionatuagoa, eta hidrohegazkinez iristear den polizia.

Izenik gabeko gutuna jaso du poliziak, neskato bat desagertu egin dela. Haren lana da, gurutzada bihurtuko denari aurre egitea. Haren lanean, haren legean konfiantza itsuz abiatu da Neil Howie sarjentua, eta halaxe arituko da film osoan zehar.

Harrotasuna behar du batek egun, bide zuzenetik joango bada, garbia izango bada, orbanik nahi ez badu. Harrotasuna behar du batek egun, nahi bezalakoa izango bada, bera izango bada, bidezidorrik onartzen ez badu. Tentatu egingo dute; mozkortzen saiatu. Whiskeyari ezezkoa, gorputz ederrei ez ikusia. Zerbait baitu defendatzeko, zerbait lortzeko, kosta ala kosta. Eutsi egin behar baitio, eutsi, gogorra izanagatik ere.

Zuzena izango bada, zuzen ibiliko bada, baldin eta ez badute okertu ahal izango. Baldin eta hizki-larrizko Jainkoa izango bada den-denak epaituko dituena, heriotzaren garrek kiskalitakoan; baldin eta berpiztuko bada.

Download this podcast

97 irratia babestu nahi duzu?

97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude