Kaixo

Dakizuenez, aurreko irailaren 1etik Tas-Tas Irrati Libreak bertan behera utzi zuen, 21 urte emititu ostean. Irailaren 30etik frekuentzia berean – FMko 97an- Gasteizko irrati librea den “Hala Bedi irratia” emititzen ari da, lehen erabiltzen genuen errepetidoreari esker. Tas-Tasek programa ugari partekatu ditu Hala Bedi irratiarekin.

Hala Bedi-k emisioaren gastuak bere gain hartu ditu 2014ko otsailera arte, edozein irratia komertzialak bete ez dezan. Halaber, denbora honetan Bilbo Handia Tas-Tas ordezka dezakeen beste irrati egitasmoari sortzeko denbora eman nahi diote. Bilbo Handiko herri mugimenduari zein Tas-Tas Irrati Libreari lotutako hainbat lagun bildu eta “97 FM irratia” taldea sortu dugu. Gure helburua da 2014ko otsaila baino lehen 100 bat lagun/elkartek bazkide izan daitezen eta hilean 10 euroko bataz besteko kuota ordain dezaten.

Era berean, azpiegitura baldintzak prestatzen ari gara ahalik eta lasterren irratsaioak eta grabazioak egin ahal ditzagun. 2014ko urtarrilerako izan daitekeela pentsatzen dugu. Estudio honen bidez Hala Bediren emisioa bizkaitartu nahi dugu gure indarren heinean. Talde bultzatzailea, ostegunetan arratsaldeko zazpietan Bilboko Zazpi Kaleko La Boltsa kultur etxean biltzen da eta, jakina, egitasmoa interesa duten pertsona guztien parte hartzera irekita dago.

Informazio hau zeuen web orrian publikatzea eskatzen dizuegu eta, baita ere geure blog berria iragartzea http://www.97irratia.info . Hala, zeuen elkartekideek jakingo dute Bilbo Handian irrati libre bat emititzen ari dela.Kontaktu egiteko edo zeuen informazio eta salaketak bideratzeko badaukagu korreo helbide hau: info@97irratia.info. Lehen Tas-Tasek emandako zerbitzuak guk geuk egin ahal izango dugula espero dugu. Besarkada bat.

Inkesta txiki hau proposatzen dizuegu, zuen iritzia beharrezkoa dugu eta. Hurrengo hilabetetan elkartuko gara irrati berriaren oinarri ideologikoak eta antolaketa finkatzeko eta zure iritziarekin kontatu nahi dugu.

Mila esker zuen arretagatik