97FM irratia: Alternatiben Herria Zuzenean: Irailak 24

20150924 Bilboko aurkezpena

Urriaren 24an Alternatiben Herria ospatuko da Bilbon bizitza eta jendartearen aurka egiten duen eredu honen eta Klima Aldaketaren errealitatearen aurrean sistemaren aldaketa gauzatzeko.

Egun osoko egitaraua izango da Bilboko Areatza eta 7 kaleetan zehar egongo diren 6 auzotan antolatuta: Ekonomia eredua, natura, bizitzaren iraunkortasuna, aniztasuna, ondare komuna, eta demokrazia, burujabetza eta parte hartzea.

97 Irratitik ere sinatu dugu manifestua, beste dozenaka eragile ezberdinekin batera, eta egun txiki-handi horretarako hilabete baino gehiago falta den arren Irailaren 24an zuzeneko irratsaioa egingo dugu Mallonako galtzadetako gure estudioetatik eta Unamuno plazatik, bertaratuko diren mugimendu, eragile eta kolektibo ezberdinekin eskuz esku.

Laster informazio gehiago emango dizuegu. Tartean, sintonizatu 97.00 FMa, eta Alternatiben Herria Bilboren aurkezpenean elkar ikusiko dugu Unamuno plazan, Irailaren 24an, 17:00etan!

97 irratia babestu nahi duzu?

97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude