Lur eta Murmur: Ametsak itotzen dituzten politiken aurrean, #CanariasNiCárcelNiTumba

Lur eta Murmur: Ametsak itotzen dituzten politiken aurrean, #CanariasNiCárcelNiTumba

Covid-19ko pandemiak berez oso zailak diren mugak blindatu ditu, eta itxiera horrek migratzaileentzako are arriskutsuagoak diren bideak berriro irekitzea eragin du.

Kanarietako ibilbideari dagokionez, EBk bultzatutako migrazio-politika hiltzaileekin batera, gutxienez 1.851 pertsona hil dira iaz.

2016az geroztik, mugako hainbat eremu zeharkatzen dituen karabana bat antolatu dute urtero gizarte-mugimenduek, giza eskubideen urraketa, lekualdatze behartuen arrazoiak eta migrazioko, merkataritzako eta nazioarteko beste politika batzuk salatzeko.

“Mugak irekitzen” karabana Carovane Migranterekin batera joango da uda honetan. 8 egunez bidaiatu egingo dute iragaitzazko pertsonen oinarrizko eskubideen urraketak ikusarazteko eta salatzeko, Kanarietako uharteetan dauden pertsona eta kolektiboekin elkartasun-sareak ehundu eta laguntzeko, eta giza mugikortasunerako eskubidea eskatzen jarraitzeko.

Karabanan 200 pertsona baino gehiagok parte hartuko dute, %40 Euskal Herrikoak, eta oraindik badaude leku batzuk libre parte hartzeko. Nola antolatzen ari diren, zer egingo duten eta norekin elkartuko diren jakiteko, Arantza Gutierrez Ongi Etorri Errefuxiatuak elkarteko kidearekin hitz egingo dugu.

[sc_embed_player_template1 fileurl=”https://ia801403.us.archive.org/6/items/20210610-lur-eta-murmur-mugak-ireki/20210610%20Lur%20eta%20Murmur%20MugakIreki.mp3″]

Download this podcast

97 irratia babestu nahi duzu?

97 irratian proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Irratikiderik gabe, 97 irratia ekonomikoki sostengatzen duten bazkiderik gabe, hau ez litzateke posible izango. Egin zaitez irratikide eta babestu 97 irratia!

Leave a Reply

Your email address will not be published. Required fields are marked *