Zazkel taldeak EZ ENTZUN diskoa plazaratu berri du. Etxahun Arregi etorri da estudiora. Musikaz gozatu dugu, elkarrizketa atsegina eskaini digu.
Ostean Estephan Etxegarai Luhuson iaz atxilotutako lagun musikariarekin aritu gara berbetan. Datorren larunbaterako 12 oren bakearen alde jaialdia antolatu dute Bakegile eta kulturgileek.
Durangoko azokaren ajearekin egin dugu #bidegorritik saioa.
Entzun aldizkariko 2015. urteko diskoa entzuteari ekin, eta aurten ere uzta oparoa utzi digu euskal musika panoramak. La Basu, 2Zio, Anestesia, Eten, Larregi, Jp lohian eta beste entzun ditugu 97 irratian.
Bergarako Txapa irrati libreko Mikel eta Bilbo Hiria irratian aritzen den Jabi ere gurekin izan ditugu, Durangoko azokan bertan burutu zen Kabi@ aztertzeko. Egitaraua, software eta teknologia libreak, irratigintza, berrikuntza… gauza asko jorratu ditugu. Amaieran Gorka Julio Teketen gehitu zaigu, eta Europa mailan aitzindariak diren proiektu eta ekimenak daudela Euskal Herrian azpimarratu digu andoaindarrak.
Ttotelka txalaparta: arduino eta teknologia libreenarekin eraikia.
Galdera horri erantzuteko aspaldi honetako bi bideo eta aspaldiko kezka bat ekarri ditugu mikrofonoetara. Kataluniako hauteskundeetan CUPek aurkeztutakoa, eta aurreko astean EH Bilduk #basquetothefuture sarean hedatutako bideokomikia izan ditugu hizpide Arantza Santesteban eta Galder Gonzalezekin.
info gehiago: bidegorritik.irratia.com
Kurdistan bisitatuz hasi dugu irrati emankizuna. Komite Internazionalistak erakundeko Lurrek irailean egin zuten brigadaren berri eman digu. Zapaldutako lurretan ikasitakoaz eta handik ekarritakoaz aritu gara. Erakunde lagun duten Askapenarekin elkartasunez mintzatu zaigu bera.
Askapena libre!
Musika entzunez Nafarroako Sakanara hurbildu gara gero. Arruazun artaldearekin aurkitu dugu Aritz Ganboa Askapenako kide auziperatua. Epaiketa atarian, Herriak libre! ekimenarekin buru belarri murgilduta, euskal internazionalismoari buruzko xehetasunak eman dizkigu, tartean espainiar inperialismoa zertan den azalduz.
Your Read More Link Text
Kurdistango lurretatik abiatu zen Emakumeen mundu martxa. Euskal Herrira sartu berritan hitzordua egin genuen antolatzaileekin, eta gaur emakumeen martxa izan da nagusi gurean -musika, kantuak, dantzak eta aldarrikapenak-.
Hutsa bikotea akustikoan aritu dira Bilboko estudioan eta Leire Lopez Ziluaga lagunak playlist feminista baterako lehen lau kantuak aurkeztu dizkigu.
Aste honetan estreinatu du Patxi Gaztelumendik Bidegorritik saioa, astero astero berriak, elkarrizketak, musika, kultura, politika eta iritzia ekarriko dizkiguna… ezkerretik ibili nahi duen ororentzat.
XXI. mendeko irratia, Larrabetzu, Bilbo, Otxandio eta Catalunya, Kukutza eta Kortxoenea, Euskal Herria eta mundua lotuz sarean, eta soft librean. Bide gorrian… gorri bidean.
Hemen, Edu Lartzagurenek Berrian egin dion erreportaitxoa.
Urte askotarako, #Bidegorritik!
Bidegorritik saioan asko mugitu gara azken emankizunean. Madrileko bere etxetxoan harrapatu dugu Xabi Bandini musikari nafarra. Begibakar diskoa aurkeztu digu, eta istorio asko izan ditugu hizpide.
New Yorkera joan gara Kirmen Uribe idazlea elkarrizketatzera. Bilboko Arte Ederretako museoko alfabetoa erakusketa antolatu du Kirmenek museoaren 110. urteurrenerako.
Artea, literatura, musika… gauza asko hitz egin ditugu ondarrutarrarekin.
Bidegorritik saioan asteburuko kronika alternatiboa egin dugu irratian.
Gasteizko Hala Bediko Igor Goikoleak OkupaTuGasteiz ekimenaren berri eman digu.
Piztu Bilbo! kantua entzun eta Baionarat abiatu gira. Bizi! mugimenduko militantea den Mattinek asteburuko Alternatiba egunen berri eman digu. Aldaketa klimatikoaren desafioa, Baionan antolatutako ekimenak eta erronkak azalerazi dizkigu.
>> bidegorritik.irratia.com
AneGuria abeslariak bere azken lanak aurkeztuko dizkigu irratian. Bilbotik kostaldera egin dugu, eta GetxoPhoto nazioarteko irudi jaialdiko arduraduna den Jokin Aspururekin aritu gara berbetan.
Zinema zuzendariak
Oskar Alegria zine zuzendariak Gure oroitzapenak Joseba Sarrionandiaren unibertso poetikotik sortutako pelikula kolektiboa ekarri digu saiora.
Koldo Almandoz zuzendariak berriz, Oreina filma aurkeztu du Zinemaldian, eta euskarazko pelikulen saria eskuratu du gainera.
2018-09-12, Getxo. Txirrindularitza. Vuelta Euskal Herrian. Getxoko irteera, giroa.
12-09-2018, Getxo. Ciclismo. La Vuelta en Euskal Herria. Salida de Getxo, ambiente.
Uztailean Tourra eta irailean Vuelta pasatu dira Euskal Herritik. Ikasturte honetako lehen bidegorritik irrati emankizunean bizikleta kontuekin aritu gara. Tourrean eta Vueltan Euskal Herriko aldarriak erakutsi zituzten zaleek errepide bazterrean, eta emankizunera Mattin Rafu lapurtarra eta Alex Arregi bizkaitarra gonbidatu ditugu.
Kataluniara joan gara gero Jone Amunarriz Gure Esku Dago ekimeneko kidearekin. Kataluniako egoera eta Euskal Herrian antolatzen ari den elkartasunaren berri eman digu Jonek.
Azkenik nazioartean Euskal Herrian jokatu diren txirrindulari froga ezberdinek izan duten oihartzunaren berri eman digu Hamaika telebistako Beñat Zarrabeitia kazetariak.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.